خدني عالمركب بلدي مدركب

قصيدة بقلم الإعلامي والشاعر جلال فيتروني

مد ايدك سحبني وخدني
عالمركب يا مهرب وعدني
إنك تبقى حدي تونسني حكام البلد تخلوا عني
وأنا ناطر الوعود تتحقق
لتفل الأزمي وتحل الهدني
حرب التجويع بلشت
حللي أطلع من هالصفني
بعتني على مشوار قدري
بركي بصح بمشي دغري
بطلع من حالة قهري
ما تسألني كيف وليش
عم اتخبط بشقا عمري
وصلني على عالم تاني
بركي بكون كنز وأماني
ما بعرف ليش فقري
لف عليي شبكني رماني
كأنو الموت وجهة أحلامي
ناس بيلوموني بي هالقرار
وناس مدحوني بطل وجبار
مشي المركب عالهدا فينا
ما منعرف لوين مودينا
حطينا عالقلب ايدينا
وبصابيعنا غطينا عنينا
ورانا ضيعنا أهالينا
بكرة بتتباهو بأسامينا
رحنا من أجل وطن
كتمونا وقسيو علينا
المركب ماشي عم بيصارع
وصرنا فعل ماضي ومضارع