حوار بالعامية
فقرات أسبوعية يكتبها الإعلامي جلال فيتروني
موتسيكلات للإزعاج وقلق بنص الليالي
اليوم موضوعنا عن الحرية الشخصية اذا كنت تحترم جيرانك وأصدقائك وبتراعي ظروفون فأنت انسان مثالي
بمدينة طرابلس تحديدا لح نحكي عن مسألة أصوات الموتسيكلات المزعجة بنصاص الليالي والتحدث بصوت عالي مما يسبب ازعاج واقلاق راحة للمواطنين
ببلدان العالم المتحضر ممنوع سير الدراجات النارية بعد الساعة ٨ مساء الا للضرورة القصوى بلبنان سائقي الموتسيكلات يمرحون ويسرحون طوال ٢٤ ساعة لا مراعاة للسلامة العامة ولا لقوانين السير
قسم من الطرابلسيين عم يشتكو من الإزعاج المتكرر لحلقات من الشباب هوايتون السهر بالليل والنوم بالنهار حقك تسهر بس مش على حساب راحة الآخرين
بدنا نطالب وزير الداخلية القاضي بسام مولوي يعالج قضايا مدينة طرابلس وبالاخص فوضى الموتسيكلات والتنزه بها بعدم مسؤولية وتهور مما يسبب حوادث واصابات
منطلب من القوى الأمنية اللبنانية والجيش اللبناني تسيير دوريات ليلية للإطلاع عن كل عمل يخل بالآداب العامة والحد من السرقات ومعالجة كل تصرف يضرب بعرض الحائط حق الطرابلسيين بالأمن والاستقرار
وبحب قلكون متابعينا الأعزاء نحن إلى جانب كل صاحب حق وصفحاتنا منبر لكل مظلوم لأنو طرابلس رغم المعاناة بضل بالقلب وجهدنا كلو إلها
نتمنى يوصل صوتنا لكل المسؤولين وتتم المعالجات لأنو بصراحة نحنا اهل طرابلس والشمال تعبنا وصار بدها حلول مستدامة
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development