إجتماعيات
جميل ما كتبته ربى طوق بنت بشري عن طرابلس
“بإيام الحرب لما كنا زغار، كان صعب كتير نوصل ع بيروت. فكان البابا يحطنا بهالسيارة خمستنا وبعدين ستتنا وطالع نازل ع طرابلس. تياب العيد من طرابلس. تياب المدرسة من طرابلس. المونة بالشوالات من طرابلس. الخضرا والفواكه على أنواعها من طرابلس. أطيب كنافة من طرابلس. ألذ كعكة ع الماشي من طرابلس. أفضل بياعين من طرابلس بيقبلوا بالربح القليل وبيشتغلوا برضا وحب. أكتر تجار بتستحلي تفاصلن من طرابلس لأنن ولا ممكن يقبلوا يطلعوك خسران. أحلى أهلا وسهلا بطرابلس. أشرف ناس صديقن صديق و نخوتن نخوة رجال من طرابلس. أحلى أسواق قديمة بطرابلس. أحلى قلعة بطرابلس. أحلى ذكريات بطرابلس. أول تنورة قصيرة من طرابلس. أول سكربينة كعب عالي من طرابلس. أول علبة مايك أب من طرابلس. ولك شو عم تحكوا يا ناس؟ طرابلس جوهرة لبنان بس الجوع كافر. طرابلس بينحكى عنها ومش عليها.”
ربى طوق
منقول
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development