حوار شعبي
بقلم الإعلامي جلال فيتروني
الديجانتير ما عاد يحمل
إنو شو بدكون تحملوا المواطن أكتر من يلي حاملو صبر أيوب هرب منو وشواغل فكرو ما عادو يكنو
الكهربا ساعتين أو تلاتة بالنهار شو هالإنجاز الجبار وفواتير بالملايين لسان حالنا بيقول يا كهربا ما عدت لحقلك يا بكون مكسور او عايش بالدين وكلو محملينو على وتر الإنسان اللبناني الجيوب شرقطت ولعنت ابو الدولة وإمها
تحار المرأة اللبنانية في إعداد قائمة الطبخ اليومي فواتير الأسعار قايمة قيامتها وتتجه صعودا في شكل هستيري وكله على ديجانتير واحد
النقل اليومي بحاجة للكثير من أوراق فئة ١٠٠ ألف أما ورقة المليون ليرة الآتية فسوف تستعد لإطلاق الرقصة الفلوكلورية على خشبة مسرح كم أنا تعيس في لبنان
الطلاب والطالبات اللبنانيون الرازحون تحت الأزمة أضحى التعليم يسكن في مزاج كافية ساعة يعلن الإضراب وساعة يعلن التعليم
مود الإنتحار يطلق برامجه المعههودة ومن الشباك لرميلك حالي خليني إخلص من هالعيشة أحلالي
وكله على ديجانتير واحد أما آن وقت صيانة وإصلاح الوطن وترميمه من جديد
بصراحة ما عاد يحمل الديجانتير يا إما حنسمع صوت الإنفجار وكلو ملقح يمين وشمال يا إما بيطلعلنا شي قرار مغوار وهيك حنضل نقضيها عذاب ومرمرة كل يوم لحتى الله يفرجها
والله وجعتلي قلبي يا ديجانتير الوطن
