سوا منبقا – بقلم: حسين جمعة

ظلم زمانك خلاني ضمك، وخلاني…؛
أبكيك وتمسح دموعي،
وأحزاني
وعجناح هالغيمات،
رماك ورماني…!،
ت نسرق شوية فرح،
ونجمة مضوية وشعلانة،
ومن حدود سماك،
جبلك بسمة،
تمسح  حزنك،
وتشيل أحزاني…!.
يا رفيقي نحنا صدى صرنا،
والصدى عمره ثواني،
ما تنده يا رفيقي…!،
بهالدني ما في حدا إنسانِ،
غير قلبي وقلبك،
وهيي قلوب بالقهر مليانة…!؛
ومين يسمع بهالعجقة والضجيج،
حزين ومقهور،
يسرقوا الفرح والبسمه سرقه،
مش طالبين كثير،
غير تبقى هالسما زرقا،
وشوية نور ومحبه…،
بلكي بهالعمر سوا،
سوا منبقى…!.
حسين جمعة بعلبك لبنان في 7/7/2013
[email protected]