بلحظة راحو

قصيدة بقلم الإعلامي والشاعر جلال فيتروني

شو ذنب يلي راحو
هالوطن كترت جراحو
وما حدا بيهمو صراخو
اربع رواح انزهقت فجأة
واللوعة دخلت بوابو
وصلنا لدرجة الغليان
الأمن متخبى بتيابو
نحنا رايحين عالهلاك
وكلو معروفة أسبابو
إذا الفوضى حكمت
بشر البلد بخرابو
صار التجول ميدان
معركة لسلب الإنسان
والخوف يلي جايي
أعظم مغامرة بالفلتان
ليش الدم شعار دايم
والأمان بعدو نايم
بغفلة خسرنا جيل
بهفوة ودعنا زميل
بكيت الأحلام بالترتيل
يلي صار منو قليل