من واقع الجلسات

بقلم :وسام شداد استشاري اسري وتربوي ولايف كوتش

موقف مؤلم جداً خلاني اُدرك قيمه الوعي الذاتي وإن احق الناس برحمتك ودعمك هي نفسك وابسط حقوقها انك تكون فاهم احتياجتك وانك تتقبل لحظات ضعفك وبالتالي احب اقول لكل شخص مر بتجربة فقد وحتي الان لم يستطيع تخطي مشاعر الالم مهم جداً انك تعرف ان اي صدمه بنمر بيها ليها مراحل وكل مرحله منهم محتاجه التقبل علشان نتخطاها بسلام ،وبشكل مبسط مراحل ما بعد الفقد هي خمس مراحل ؛

مرحلة الإنكار :
وهي عباره عن حيلة دفاعيه طبيعية لتخفيف الالم النفسي الناتج عن عدم استعياب وعدم تحمل مشاعر الفقد.

مرحلة الغضب:
وهنا هبدء استوعب بس هعيش حالة غضب شديده تجاه كل شيء والعاطفه هنا بتكون غالبه ومفيش اي منطقيه ولا عقلانيه في تصرفاتي.

مرحلة المساومه
هنا مشاعر الندم والحزن بتظهر جدا لو كان لسه عايش كنت هعمل كذا وكذا او مثلا لو خف هعمل كذا وكذا..

مرحلة اكتئاب:
هنا انا ايقنت حقيقة الفقد ولكن لم اتقبلها بعد وبيظهر الاكتئاب في صورة ؛عزلة ،فقدان شغف ، يأس، احباط، أرق، هشاشة نفسية.

مرحلة التقبل:
هنا بيبدء شعور التقبل يظهر ولكن ما زالت مشاعر الحزن والالم موجوده بس بدون مقاومه؛علشان كده لو انا فهمت مشاعري وتقبلت ضعفي البشري هقدر اتخطي الخمسة مراحل بشكل اسرع وبخسائر نفسيه اقل عن لو مكنتش فاهمه نفسي كويس ومهم جدا احاوط نفسي بناس فهماني قادرة تقدملي الدعم بتقبلي وتحبني حب غير مشروط.

طيب لو انا الشخص اللي هقدم الداعم اقدر اساعد ازاي…
اللي بيمر باضطراب ما بعد الصدمة مش محتاج ابدا اي حلول منطقيه ولا اقناع كل اللي اقدر اقدمهوله اني اوصله بكل الطرق اني حاسس بيه ومقدر حجم الآلم اللي بيمر بيه
واقدم تقبل و احتواء ودعم علي قدر احتياجه للتعافي والمرور من الصدمه بسلام.

جبر الله القلوب المتعبه