قميتك في مكانك المناسب \ بقلم:الدكتورة سمر كشك

فيه بلوزه بحبها جدا دورت عليها ملقتهاش ابدا
زعلت عليها قوى
و فى يوم لاقيت الراجل اللى بيمسح العربيات تحت معلقها على مراية عربيه هى طارت منى و انا بنشر الغسيل و ماخدتش بالى
بصيت عليها و سرحت
يعنى ممكن يكون حد شايفك غالي قوى و بيحبك جدا و شايف انه مفيش حد زيك و لا حد ياخد مكانك
و تروح لحد تانى لا يعرف قيمتك و لا ياخد باله منك و لا عايزك اساسا و يمسح بيك العربيات
و انت و حظك فى اللى تقع فى ايده
ربنا يجعل نصيبنا الناس اللى تعرف قيمتنا و تشيلنا على راسنا