قايمة العروسة بقلم الدكتورة:دعاء جلال دكتورة بطب المنصورة

وانتوا بتكتبوا قايمه جهاز العروسه .. خلوا بالكم لو الزوجه بتشتغل .. وبتصرف دخلها وكل الفلوس اللى بتجيلها ع بيتها .. هتجيب بعد الجواز قد القايمه دى عشر مرات .. كل يوم والتانى هتجدد حاجات كتير ..وهتشترى حاجات اكتر .. الست ب طبعها كده .. بتحب تكمل بيتها وتخليه ف أكمل صوره .. وكله طبعا مش مكتوب ف القايمه وبالتالى هيروح عليها شقى عمرها كله لو حصل انفصال لا قدر الله .. وكمان لو مر وقت طويل من عمر الزواج .. ف كل منقولات القايمه سيصبح متهالك ولا يساوى شئ .. يعنى هتكون الخساره من الناحيه الماديه كبيره للزوجه العامله ..
مش عاوزه أفتح ملف الذمه الماليه للزوجه .. عشان الكلام فيه قتل بحثا .. سواء من الناحيه الدينيه أو القضائيه .. ومع ذلك .. كل واحد ف الاخر بيعمل اللى يتمشى مع وضعه وظروفه .. مع ان الكل عارف الحقيقه فين .. والصح ايه .. أنا بس حبيت ألفت نظر أهل العروسه اللى بيتعبوا نفسهم جداا جداا ف تجهيزها .. وبعدين يحصل مشاكل كبيره جدا وقت كتابه القايمه .. وممكن الجوازه كلها تتفشكل بسببها .. لو بنتكوا بتشتغل وهتصرف فلوسها ع بيتها ..
ف القايمه دى .. مش هتبقى هى المشكله الكبرى