فهل سنقع في وهادها مجددا ؟؟ تحقيق: سارة مراد

شهد لبنان في الآونة الأخيرة حالة من القلق واللاستقرار الأمني …. فوقف ساعات صمت على شهداء وقعوا ضحية الجهل المتعشش برؤوس من ينغوي وراء التلاعبات و المشاغبات و الدم… توقفت الحركة٠٠٠ انشلت الأفكار ! لا سيما في عاصمة لبنان الثانية طرابلس الفيحاء ، التي بكت شبابها و أمطر صيفها رصاصا و رقصت المدينة على صوت طبول القنابل فاحتفل ابناؤها بغبائهم.
في العام ١٩٧٥ وقع لبنان في فخ الحرب الأهلية وعبثت به المخالب القذرة فنزف الدماء حتى العام ١٩٩١. ومن أهم الحروب و المعارك الأهلية التي حصلت خلال هذه الحرب حادثة عين الرمانة، الاجتياح الاسرائيلي ١٩٧٨ – ١٩٨٢ معركة زحلة حرب الجبل و حرب العلم و الاخوة و التحرير و الالغاء و و و…….. فهل سيشهد لبنان حربا أهلية مجددا؟

أحمد ط. (٣٠ سنة ) يقول: أعتقد أن اللعبة ليست حربا أهلية بقدر ما هي خلق فوضى وحالة انعدام أمن و أمان و ثقة بالظروف المحيطة بنا وهذا الأمر كفيل بايجاد حالة رفض لوجود الدولة اللبنانية بمؤسساتها الأمنية والمدنيّة و القضائية مما يساهم في ضعف النزعة الوطنية واستبدالها بنزعات للحكم الذاتي بمعزل عن المركزية الإدارية وهذا جزء من الفوضى البنّاءة التي أعلنها بوش مسبقا وهي ستمتد من لبنان إلى سوريا فالعراق فتركيا و إيران لجعل اسرائيل تتربع على امبراطورية عسكرية و اقتصادية هائلة مقابل دويلات بل مزارع مذهبية وعرقية متناحرة حول منها , نقتل بعضنا البعض بذرائع مختلفة.

أما ناصر .ش ٢٢ سنة :لا أعتقد لانو هلا في نضوج عند الشعب و تعلمّوا من مرات سابقة و أكبر دليل انو هالشغلة صرلا ٣٠ سنة فلو بدو يصير كان صار !

سمر تعارضه الرأي: أنا بصراحة شايفة انو رح نرجع نشهد حرب أهلية لان دايما بيضحكوا علينا و بيقولوا دخل الجيش حتي يهدي الوضع…ما في بطرابلس طائفية هيدي حرب سياسيين و بلدان عم يحركوها بحجة الطائفية !…

غاندا تتوقع نشوب الحرب بشروط :” اذا ما سقط النظام السوري قريبا ايه ، القصة مش متعلقة لا بالجيش ولا الجبل و التبانة و لا السلفية هودي كلن أداة عم تلعب فيهن القوة اللي عم تتسرع اذًا الحرب متعلقة بقرار دولي ولما بيقرروا ما في حرب كل هودي بينضبوا ببيوتن اما اذا قرروا في حرب هتلاقي ١٠٠قصة و فتنة و فئة و كل مين عم يدافع عن رايو و بالنهاية كلن ادوات اخدتنا عالحرب.

ولما سئل عدنان ي . أكيد لا! البلد ما بيحمل والعالم عايفة خلاقها من فقر و تعتير في ناس عم تعيش بقوتها اليومي اذا لم تعمل يوم لا تستطيع ادخال ربطة خبز الى البيت كفانا معاناة و تقصير من الدولة غلاء معيشة و فوضى وحفريات في كل مكان و دوائر رسمية المعاملة تبقى في الدرج عشرة اشهر و اكثر مثل الضمان الاجتماعي و غيره من المؤسسات العامة و كمان حرب ؟؟ اذا على لبنان السلام !!
و أما محمد م٠ فيقول لأ ما بتوقع توصل لمرحلة حرب أهلية في قوى سياسية قادرة تمتنع الحرب صحيح في حقن مذهبي بالشارع بس الحرب الاهلية مانا لمصلحة حدا ٨ اذار ما فيا تدخل بهيك حرب كرمال ما تستنزف المقاومة للداخل يللي هو مش لمصلحتها ابدا و قوى ١٤ اذار غير مؤهلة تخوض حرب اهلية انما في بعض القوى المذهبية عم تحاول تعمل هالفتنة و عم تسعى لحرب بس بعتقد عددها محصور و ما بتمثل شي من الشعب اللبناني يعني يللي عم يصير هو توجيه رسائل بواسطة هالادوات و الفتنة ما بتخدم غير العدو الصهيوني يللي عم يصير ما فينا نوصفه بدرجة حرب طائفية لان المتصارعين عم يتقاتلوا على مشروع سياسي ماعم يتخانقوا على شي ديني متل ما صار باوروبا بالقرون الماضية حرب بين الكاثوليك و البروتستانت لمجرد المعتقد .الصهيونية بتحاول تحويل الصراع لديني كرمال يكون الاقتتال اكبر و دافع لكل المدنيين للاقتتال مش بس لجماعات موبوءة….
هي تعتقد ..هو لا يعتقد.. و يبقى لبنان متمايلا على قصب يابسٍ تعبث به نار الخارج مهددةً أمنه و سلامه …