صرخة مواطنة

آراء متضاربة وكل يغني على ليلاه
وكأنو كل حدا منن طالع بس ليجاكر الثاني والنهاية دايما بتصب ضدنا واتحمل يا شعب لبنان اذا فيك تتحمل…
يا عممممو اذا بدكن تجاكروا بعض مين فيكن بيطلع يعطي قرارات اكثر وينظر ومين هو يلي كلمتو بدا تمشي على الثاني ما عنا مشكلة بس المهم بدنا النتيجة …
حدا بيطلع بيقول وبيعطينا أمل انو الكهربا لح تجي ١٨ ساعة وبيطلع ورا منو دغري حدا ثاني بيقول لح نحاول نزيد التقينين ونعطي ٨ ساعات…
حدا بيطلع بيقول بدنا نخفف عبئ على المواطنين والثاني بيطلع بيكبس تغريدة دغري تحررت تسعيرة المحروقات وانرفع الدعم عنا وصار سعرا بالدولار حسب سعر السوق ….
ونحنا قاعدين مثل الاطرش بالزفة عم نسمع للكل ومحتارين مين بدنا نصدق فين
وكأنوا قدرنا ونصيينا نبقى عم يتمرجحوا فينا شمال ويمين …
اعتمدولنا على قرار بقى واتفقوا مرة وحدة على شي لمصلحة البلد ومصلحتنا ونحنا الكن من الشاكرين
يعني جد طابة ولعبة صرنا بين ايديكن نحنا والبلد وعم تتحكموا في وفينا على كيفكن وما حدا عم يقدر يردكن
اتقوا الله فينا خربتوا البلد وقاعدين بعدكن وكأنكن ما عملتوا شي
بس هيك اوك
المصدر موقع أخبار لبنان من الشمال
الناشطة الاعلامية
منى ياسر نحاس