كل مواطن لبناني شريف بيحب وطنه لازم يصوت بالانتخابات ضد منظومة الميليشيات وثقافة الموت والتخوين والزعرنات

أكيد ما تصوتوا لتيارات وأحزاب أعطت وغطت فساد وسرقات مقابل مقاعد وزارية أو نيابية او حتى رئاسية!

صوتوا ضد تيار العتمة والفشل “وما خلونا”!
صوتوا ضد الفاسدين والنصابين!
صوتوا ضد يلي بيتغنوا بعلاقاتهم التاريخية العائلية والسياسية!
صوتوا مع سيادة لبنان وإستقلالية القضاء التامة الفعلية!
صوتوا مع اللامركزية الموسعة (إدارية ومالية)!
صوتوا مع خلاصكم وخلاص ولادكم ومستقبل ابناءكم!
صوتوا لثقافة الحياة والحضارة والتطور ومش لثقافة الموت والتفقير والطوابير والتخلف!!

كونوا كتااااااار، كونوا أكتر من الجاليات اللبنانية بِدُول الإغتراب اللي عم تصرف ع أهلها بهالبلد الحزين واللي صاروا أكتر بكتير من اللي جوا بالبلد محرومين ومذلولين.. وبسبب كسلكم وسلبيتكم ومقاطعتكم صاروا برا وانتوا مقهورين ببلدكم.. المغتربين راحوا صوتوا كرمالكم.. الدور عليكم، كونوا كتار حتى نعمل تغيير، لو خمسة بالمية بس إسمه تغيير، والتغيير بيبدأ معكن.

أقول قولي هذا، والله على ما أقول شهيد..
اللهمّ إشهد، اللهمّ إنِّي قد بلَّغتْ.

ناريمان الجمل
٩/٥/٢٠٢٢