حوار شعبي

بقلم الإعلامي جلال فيتروني

وعود في الهواء الطلق

قالو بدون يعملو لبنان جنة ويصير حضورو الو رنة متل الموبايل شغال بدون عنة
اه حطي بالخرج لو كانو فالحين كان تغير الوضع من زمان
هالطبقة السياسية عايشة بالكيدية يلي ما بيوافقها بتعاملو بكل سلبية اسمعي تصريحون شو بيقولو سوف نقضي على الفساد ونحمي الكيان اللبناني ونفعل المداخيل ولا يدخل بجيبنا الا القليل
اه مبين الصدق عم بيشر منون شر هلمة وجر من السبعينات لليوم نفس العلاك المصدي والكذب مع السردي
وعودك يا حكومي متل نفخة الهوا بزلعومي كل ما بقلها تحركي بتقلي صايبني شلل ومقطوعة كهربتي عمومي