حوار شعبي

بقلم الإعلامي والفنان جلال فيتروني

ما رح يزبط شي

بيقولو لبنان بلد الأكشن والمغامرات الحكومية اذا ما كان في رئيس بيجيبو سفير الفراغ وإلعب يلله
يعني صرنا بفيلم كوميدي ناقصو محمد هنيدي
طيب اذا ما كان في حكومة كيف البلد لح يدبر أمورو؟
بلدنا متل القطار مقبوعة سككو ومقطوع زمورو وبحياتو لا حيقبض لا دولار أو يورو
يا ريت يزبط البلد ونغنى لولد الولد بس المؤامرة كبيرة والأحلام قصيرة
لهالسبب ناس هاجة بالمراكب بركي بحقق مستقبلو الضايع ويبعد عن كل صايع
ملعوبة من كل الميلات ونحنا عايشين بوهم وخيلات كل الحكي راح مع الريح وتركت وراها مليون جريح

هولي المسؤولين رجعونا ١٠٠ سنة لورا وما تأسف عاللي جرى