الامل بقلم الدكتورة:مها محسن

دائما في أمل بيكون جواك كده ماتعرفش جاي منين ؟؟؟
بس من كتر ما انت واثق في ربنا انه معاك
وجنبك ووراك في كل خطوة بتخطيها

دائما حاسس ان في حاجة جميلة ممكن
تحصل في علم الغيب تستحق انتظارك ده و تستحق
تعبك اللي بتمر بيه دلوقتي بتتفائل خير و صابر علي بلائك
ده اسمه حسن ظن بالله
انك متفائل بيه و متأكد ان ربنا مش هيسيبك ومعاك
صابر و بتعافر و بتعاند في كل حاجة بتيأسك و بتخليك تقع
مش عيب اصلا انك تقع
اقع و اتعلم وارجع اقف و قاوم الدنيا تاني

اصل الحياة معافرة و بتتعاش مرة واحدة بس
ياتعيشها بحلوها ومرها و بكل الوانها و انت راضي
و متيقن خير في ربك انه مش بيعملك حاجة وحشة

كل انسان يري الحياة بعين طبعه

ولو انت اخدت كل مشكلة من زاوية ان ربنا بيعلمك
بيها درس و موعظة ليك مش حاجة وحشة زي ما انت فاكر
وحمدته علي كل ابتلاء هترتاح و هيرضيك اكتر واكتر

‏في كل مرة أقرأ “إياك نستعين” أشعر من داخلي بالراحة..

نستعين بك يارب على الحياة، نستعين بك على المسؤوليات، نستعين بك على مشاعرنا وإخفاقاتنا و تقلباتنا، نستعين بك ونرجو الإعانة وتوفيقك وتيسيرك،

اللهم لا تحرمنا فضلك .” واشوفكم يا بناتي اسعد الناس