إجتماعيات
طفلة ل كانت موجوعة \ شاعر الميناء الشّعبي مصطفى غنّوم
وعمتبكي من جوعا
بالمستشفى صارت شهيدة
وعالكفوف الطفلة مرفوعة
طفل ل عندو ايمان بالله
موجوع ومتحمل والله
بصاروخ من اعداء الله
صارت الدنيا عليه مفجوعة
الأم الهربانة من الجلاد
ع حضنها حاضنة الولاد
صارت مع ولادها اعداد
شهدا شقائق نعمان مزروعة
والبيي ل حلف ما بيموت
والغاصب بكل جبروت
بدون ما نأمن تابوت
استشهدت الناس الموجوعة
هيدي حالة بمستشفى بغزة
تخيلنا زلزال واكتر من هزة
ايمت يا امة بدك تفزي
وتمسحي من العين دموعا
ايمت يا غرب بدك تعرف الحق
ومين المجرم ببلاد الشرق
كل لمعه في وراها برق
بترجع الدنيا تزهر ربوعا
هو السارق وانت الحامي
هو محتل بسيفو الدامي
لو كان في عندك كرامة
كنت بتحمي الناس الموجوعة
يا جايه بكرا ع عمان
وسارق من شعبي الأمان
يا ريت يقولولك يا جبان
ارض العروبة عليك ممنوعة
شاعر الميناء الشّعبي مصطفى غنّوم,
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development