ولا تنسوا الفضل بينكم بقلم الدكتورة منة الله أشرف

أما رب العالمين في وسط آيات الطلاق يقولك
“ولا تنسوا الفضل بينكم” ، يبقي والزواج قائم بقى يبقى إيه ؟؟
أما يبقى وقت هات وخد والحدود والحقوق نافذه يقولك “ولا تنسوا الفضل بينكم”
يبقى فمشكله عارضة والود موصول إيه بقى ؟؟؟
أصل تعاملنا كأزواج هو الفضل والسعة والرحمة، وإذا اختلفنا نحتكم للحدود والحقوق الفاصلة، ” وإن تنازعتم في شيء فردوه إلى الله والرسول ((( إن كنتم تؤمنون بالله واليوم الآخر ))) “ها معانا ولا مش معانا ؟
وأوعى حد فيكم أما نقوله يلا بينا لله ورسوله يبقى” وإذا دُعُوا إلى الله ورسوله ليحكم بينهم إذا فريق منهم معرضون” ((( عشان مش عايز تتزنق ))).
لكن لو معاك الحق وعارف معلومة تجري هاتولي الشرع ” وإن يكن لهم الحق يأتوا إليه مذعنين “
أوعي تكون كده لاحسن ربك سمى الي بيعمل كده ظالم، أو مريض القلب، أو مش واثق في عدل ربه، ومش عجبه حكمه؛ ” أفي قلوبهم مرض أم ارتابوا أم يخافون أن يحيف الله عليهم ورسوله بل أولئك هم الظالمون”
خليك من دول ” إنما كان قول المؤمنين إذا دُعُوا إلى الله ورسوله ليحكم بينهم أن يقولوا سمعنا وأطعنا وأولئك هم المفلحون”.
أصل هي مش لقطة دنيا وقصة مراتك ولا جوزك والسلام لا دي
” ومن يطع الله ورسوله ويخش الله ويتقه فأولئك هم الفائزون “
اللقطة تحت حضرتك لكن إخراجها وحكمها فوق… وبعدين ،بعد ما نعرف حكم الله وسنة رسوله في اختلافنا نحط الآية دي قدام عينينا “وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم(((ومن يعص الله ورسوله فقد ضل ضلالا مبينا)))
وفي النهاية…
أما ال عليه الحق يكون وقاف عند حدود ربه ومن عباده ” الذين إذا ذُكِّروا بآياته ربهم لم يخر عليها صما وعميانا”…. ساعتها هتلاقي صاحب الحق أما نيجي نقوله هنا ” ولا تنسوا الفضل بينكم “
هتلاقيها تنزل علي قلبه بردا وسلاما، وتترجم في أفعاله لطيبٍ وفضل وعفوٍ ورضوانا …
لا شئ في ملكوت الله يأتي عبثا، فكفاك عبثا

أدِّ الحق …
تنل الفضل
وابذل الفضل …
تأخذ الحق …
عن فقه الفضل والحق أتحدث