المسايسه \ بقلم :الدكتورة سمر كشك

عندى مقشه كل ما اكنس بيها ايدها تتخلع خليتها على جنب و جبت واحده تانيه
النهارده الجديده اتكسرت و اضطريت استخدم المقشه القديمه سايستها و حاولت اكنس بيها بالراحه و بالسياسه كنست و خلصت و اكتشفت ان المسايسه و المحايله اوقات بتجيب نتيجه
لكن المهم ميكنش فيه بديل يخليك مش عايز تشوف القديم و مش عايز تحاول حتى
زيها زي العلاقات اوقات بتكون محتاجه مسايسه و هدوء و محايله عشان الدنيا تمشي
شرط اوعى تدور على البديل عشان تعرف تتعامل بقلب و صدر رحب