المقالات
صمت البركان بقلم الشاعر علي الدشناوي ـ مصر
وبركان جوايا بيغلي
وشمعه الأمل مطفيه
في قلوب البشر اللي مستنيه
لحظه الانتقام
البركان قرب ع الإنفجار
دوي يا صوت الحق
في كل ناحيه وشارع ودار
وزغردي يا امي
اوعي تشيلي في يوم همي
بس ادعيلي وابعتيلي
مراسيلك يوم الانتصار
علي عتبه الميدان
تحرير مش تخريب
مش هدم ده عمار
يلا يا نظام
مالكش بينا مكان
قتلت فينا الأمان
سرقت منينا الأحلام
عيشتنا ف حرمان
اهو جه الآوان
إني أكون انسان
من قلب الأرض
اللي مرويه بالدم
هو ثمن الحريه غدر
نهب وسلب وطعن بالدهر
وحكومة عاوزانا زي الخرفان
عايشين في صمت ف توهان
هنثور هنقول
يا شمس النهار
نوري كل الميادين
يا ثوره يناير خمسه وعشرين
اكتبي إسمي
شهيد ميدان التحرير
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development