حوار شعبي

بقلم الإعلامي جلال فيتروني

هجرة الموت

البلد ما بقى ينعاش فيه لا كهربا ولا مي ولا خدمات ولك تفيه
جهنم ولعانة والناس تلفانة والكل ناطر الإعانة وضاعت الأمانة
متل ما بيقول الشاعر ابو الأفكار : لبنان ليس وطنك يا هاذا
اركب قطارا او سفينة ووفر عليك عذابا
لا تنظر للذي خلفك واقتحم الصعابا
وتفاجأنا بالموت يرقص فرحا
انتم احبابي ساريحكم
وصل بكم الحال هوانا
ليس الذنب ذنبي ولكن
مسؤوليكم باعوكم حطاما
ما شاء عنو شو فصيح هالشاعر
خلينا نركب هاليخت يا منوصل عالامان والرغد او الطبقة السياسية بترعد فينا رعد
يي ييي هبت العواصف السياسية علينا شو منعمل؟؟
قدرك تروح عالمجهول ويروح منك المال والفيول تضلك عايش بعتمة سياسيينك لحتى تزول
كلنا بي هالمركب سوا حاطين دمنا عاكفنا والله تعبنا وما دل حدا إلا ما سبنا العقل زينة الإنسان والتهور مهلكة الأمان
اذا هاجرت ما بتعرف شو ناطرك ويمكن ما في حدا بيوقف عخاطرك بتقرب لقدام بتشوف حتفك قبالك بترجع لورا بتلاقي الوجع شريك حياتك كانو الولاد والمرا
الله يساعدنا عاللي جرى

أصدق التعازي لأهالي الشهداء والشفاء لكل المصابين