نقطه و من أول السطر . بقلم الدكتورة :دعاء جلال استاذ بكلية الطب جامعة المنصورة

كل فتره لازم الواحد يقف مع نفسه وقفه .. ويفكر كويس قبل ما يكمل طريقه .. مش عشان الدنيا ماشيه يبقى خلاص نكمل .. لأ .. الدنيا كده كده ماشيه .. بيك ومن غيرك ماشيه .. بش ممكن تبقى ماشيه عليك لو فضلت سلبى ومتقبل الأوضاع السيئه اللى انت عايشها ..
مش عارفه ليه الواحد فضل طول حياته متلخبط بين مفهوم الرضا بالنصيب والقدر .. وبين الاستسلام للأمر الواقع .. ليه معرفش ان الرضا ده بيكون فقط ل قضاء الله فيما قدره له ف حياته و دنياه .. ولكن هذا لا يتعارض تماما مع فكره الرفض لوضع غلط .. أوعيشه سيئه .. أومهنه غير مناسبه .. أوعلاقه مريضه .. أو رفقه مستغله .. أو حياه مهينه ..
الاستسلام لمثل هذه الأوضاع كفيل بتدميرك كليا ع مدار الأيام .. و دون أن تشعر .. يتحول الرضا لخضوع و مذله .. ولن تجد أى متعه ولا راحه ف هذا الجو المريض ..

مش عيب ولا غلط انك تقف ف نصف الطريق وتغير مسارك .. الغلط كل الغلط .. انك تستمر .. زى اللى طالع سلم متحرك .. وهو نازل