يوميات دكتورة مفروسة

بقلم:دكتورة مروة سمك

قواعد الاستقبال العشرون او الاربعون :
١_ حاااول ماتتعصبش
٢_ لازم تعيد الكلام على الاقل ٧ مرات عشان توصل
٣_ حاول ماتتعصبش
٤ _ لازم تشرح الحالة لكل واحد من المرافقين على حده ٧ مراات
٥_ حاول ماتتعصبش
٦_ ماتحاولش تقنع الناس ان دور الدكتور فى المستشفى انه يكشف وانه مبيديش حقن محدش هيصدقك
٧_ حاول ماتتعصبش
٨ماتحاولش تقنع الناس انك بتشتغل تبعا لقواعد فرضتها عليك ادارة المستشفى فيما يخص صرف الادوية او طلب الأشعة والتحاليل وذلك لنقص الامكانيات محدش هيصدقك عن دى مستشفة ابوك وانت هنا الكل فى الكل بس انت اللى رخم هم متأكدين ٩ حاول متتعصبش
١٠_ ماتحاولش تقنع المرافقين ان الطب ده علم وانك بتتصرف باللى اتعلمته ودرسته محدش هيصدقك اعملهم اللى هم عوزينه هم فاهمين اكتر منك طبعا
١١ _ حاول متتعصبش
١٢ _ العيان اللى باطنه واجعاه اول مابيعمل الاشعة بيخف على طول بس انتو اللى مستخسرينها فيه ..هم متأكدين
١٣_ حاول متتعصبش
١٤_ لو طلبت الاشعة لحالة مش هتتفتح دكتور الاشعة هيعلقك ليه؟ لان الاشعة مش هتخففه ممكن يعملها الصبح
١٥_ حاول متتعصبش
١٦_ متحاولش تقنع الناس انك مبتعرفش تفهم لما ٥ او ٧ يتكلمو مع بعض انت اللى رخم
١٧ _ حاول متتعصبش
١٨_ متحاولش تقنع الناس انك محتاج هدوء عشان تركز برده انت اللى رخم
١٩_٢٠ حاول متتعصبش