ثقافة

صباح الخير يامصرية …..

.شعر …د.ضحى بركات

ياناس رايحة الصبية فين وفوقنا الشمس هتولع.
بعيد مش خطوة وللا اتنين وربك شاهد ويرفع
ياما أحلى خطوها يرسم تراب الأرض ويدلع
وخلخالها عليه رنة تخلى القلب يتشخلع
عليها خصر بان ملفوف على عوده بيتقمع
جمالهاوشها المكسوف وعين فى الأرض مبترفع

ولا شىء ناقصها… راحت لسوقها …راعية لبيتها ..طاهية لزادها ….وعيشها ف فرنها يسمع…..له ريحة تشهى وتمتع يسد الجوع … ويشفى من الضنا واللوع …..ومين يتغدى يتمدى ..ويصحى يلعب ويرتع

راجلها تاج وضى العين
وليها الرب خير معين
تجر الجلابية ياعين ..وفوق راسها الزواد يجمع …

وتمشى الزينة بنت الزين وتختر كل يوم على فين !
على الغيط اللى فيه جوزها بيشقى لجل تتمنع .

.وحين شافها يسيب شغله نسى همه وراح تعبه قعد وياها يستمتع

لقمة حلوة صحية .. وعيش والجبنة والمية ..وسرس العود نايم مخضوض ..يطرى الأكل ويحلى..لدنيا همها بيغلى ….
لكن تحلى لى فى معية …ونظرة حب ودية وكلمة وقصة تسلية .وتعلى الضحكة وصفية . وتسلم لى الايدين دية
..
ولما تعود على دارها توافى عيالها ولحالها

ومش لازم ظفر ولحوم ولا أصناف ماليها لزوم ..ده حلة محشى صنع كانون تمرى بحمده بس تدوم ياناس دى الدنيا مفنية وراحة القلب نفسية

صبح وعشية…..رايحة وجاية …باين رضاها.
.حافظة لدارها جوزها وعيالها .. وف عون لجارها..فى الحسن اية ..

راجع راجلها بعد شقاه …تجرى بفرحة لو تلقاه ….منور هلته بيته يسد بأكلها جوعه
ويرمى جتته لنومه…وهيه ف خدمته وطوعه …

يامااحلى العيشة يابنية .وحسن وحضن حنية …يامااحلى الحب ياعنية… رباية وأصل…. ياصبية

لابال مشغول ..ولافى ظنون …ولا دمعة ولاقسية…
أميرة فى عصرها هية ….نضافة.. جمال.. وفيها دلال…. وتغزل م الحبال خلخال….صبر وطبع
مالها مثال

ميزان الدار ونواره وفيها الشعرا يحتاروا . ومهما سافروا أو داروا..وشافوا اتعلموا …وعالوا …يقولوا …. تحيا مصرية …سند للكل ووفية …دى وردة فى دنيا برية

.صباح الخير …صباح الخير.
.صباح الخير يامصرية

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق