المقالات

غرائب فى زمن الكورونا

بقلم :رانيا فاروق

وباء الكرونا مر علينا بأحداث كتير ربنا أن شاء الله يبعد عنا هذا البلاء و يحفظنا جميعًا .. بس زى ما الاحداث كلها كانت صعبه علينا. كمان فى طرائف كتير …،
منها ان فى مليونير طلب من شركه امريكيه صناعه ماسك مرصع بالالماظ و تكلفته حوالى اتنين مليون دولار بس لمجرد لفت النظر و الشهره ،، !! و احنا هنا بندخل اجمد صيدليه و بنفاصل فى الكمامه ام خمسه جنيه ولا بيهمنا! احنا على فكره الفلوس متهمناش!!
كمان من طراءف الكمامات ان شركات البرانذ العالميه بقو بيتسابقو على صناعه كمامه بماركه الشركه بتاعتهم و طبعا بتتباع باسعار غاليه جدا و الغريب ان فى ناس كمان بتشتريها!
كمان طراءف الناس فى الاماكن العامه مع تعليمات لبس الماسك و هو احساسهم بالثقه و هم مغطين بيه دقنهم بس وعى ده ولا مش وعى ؟!!!
اخر طريفة من طراءف الكمامات هى شركات الميكب العالميه و هى بتصنع انواع من الكمامات على حسب ذوق كل ست ، منها الكمامه الى على شكل بوء عشان متحتاجيش تشيلها او تكلمى اصلا!! و منها الى فى استرس و زخرفه عشان تدى شكل جذاب ، و منها الى لونها لايق مع لون لبسك و بشرتك و الميكب بتاعك ، و منها الى الماتريال بتاعته تقدر تحافظ عل الروچ بتاعك عشان ميتمسحش طول اليوم وانواع تانيه كتير ،. انا حقيقى مش عارفه كنت هعمل ايه من غير النوع الاخير ده!!!
عموما عيزه اقول ان زى ما كل ابتلاء فى حياتنا صعب و نفسنا نعدى منه ديما على خير. اكيد بيكون في حاجه و لو بسيطه بتهون علينا كل حاجه صعبه وان رغم كل الاحترازات بردو فقدنا ناس كتير بسبب الوباء. . فى النهايه ربنا ديما هو الى بأيده كل شىء ولازم ديما نسلم بقضاءوه و نكون راضيين ،…
ربنا يحفظنا جميعا من كل شر و يحفظلنا كل الى بنحبهم

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق