لماذا ننجذب للعلاقات السامة

بقلم :رانيا فاروق

جملة انتشرت كتير الفترة الاخيرة عل السوشيال ميديا بتظهر مشكلة بيعانى منها ناس كتير و بيتخيلو انها سوء حظ الى بيخليهم ديما يختاروا الشخص الغير مناسب.
هو دا الشخص الغلط ؟!
لاء دا انا احبه بقا!
مش عارفه ليه بحب اكلم فى الموضوع ده كتير ! يمكن عشان كل الى حوالينا توكسيك فبقا ده العادى انى احذر و انبه و اولهم انا طبعا
شويه حاجات بتخلينا ننجذب للشخص التوكسيك
اول حاجه انهم اصلا جذابين من غير حاجه و شخصيتهم قويه و عندهم كاريزما فسهل جدا يوقعو اى حد
تانى حاجه انك بتفتكرى انك ممكن تغيريه.. يعنى فى ستات ممكن تعيش دور المنقذ و تفضل تقول لنفسها انا الى هغيره انا الى هخيله احسن ،، انا بقولك اهو من هنا. انسى
حاجه كمان هو انك مش بتخدى بالك من علامات التحذير ،، الى هو الناس كلها صوتها اتنبح يا بنتى خلى بالك يا بنتى مش مناسب وانتى ولا هنا بتفضل انها تتغاضى و تتجاهل كل العلامات عشان تكمل…
فى الأخر مش غلط ولا جريمة اننا نقع فى حب الشخص الغير مناسب بس الغلط اننا نكمل و منتعلمش من أخطاءنا ،، اتمنى حياة سعيدة ليكو كلكو من غير اشخاص توكسيك فيها