نحن الخبر بأول الاخبار بقلم: شاعر الميناء الشعبي مصطفى غنوم

نيترات بالمرفأ بنزين بعكار
ب ٤ اب نيترات هز البلد
ب ١٥ اب كان تاني إنفجار
لو ما الجوع ما تجمعوا الشباب
لو ما القلة ما كانو كتار
الفقر والحرمان دخل من الباب
نزلت دموع الأهل عبكي الصغار
جاع الوطن حكامو غياب
كل واحد يسجل عالتاني انتصار
الكهربا سجلت عن الوطن غياب
بنزين ومازوت الدولة بدك انتظار
وصار كل واحد عامل دولة
يلعب بالدولار يغللي الأسعار
صارو من جيوبنا يجمعوا غلة
يوزعوها بس عالانصار
كل يوم كان عندهم جولة
وعن سوق السودا كترت الاخبار
المازوت بدولارها بتشتريه الدولة
التجار بيخزنوه ما بيحسبوا الأضرار
تليل عكار خلوكي تتحولي
وكر إلهم فيه خزن الأشرار
ولما نزلت عالأرْض الدولة
تجمعوا الشباب وولعت النار
وين يلي كانو واقفين حولي
ناطرينهم بالبيت ولاد زغار
كانو رجال باحلا طلة
بلحظة فحموا وبكيت عكار
مبارح كانت للحرايق جولة
اليوم لبنان حزين عالانفجار