اوعى تتنازلى ابدا

بقلم الدكتورة :شيماء صبحي

شوفي فى حاجات مينفعش تتنازلي عنهم حتى لو ايه حصل لو عايزة تعيشي حياة سعيدة فعلا.
مينفعش ميكونش ليكي شخصية؟؟ والشخصية مش انك تمشى مش عجبك حد؟
لكن مقتنعه بكل حرف بيخرج من على لسانك مش بتتصرفي كده عشان الموقف.
ليكي مبدأ فى الحياة ماشية عليه
عندك حاجه انتي عايشه عشانها, حاجه بتحبيها بتشوفي نفسك متنفعيش تكوني غير كده.
عندك يقين انك تقدري تكوني, يعنى من الاخر مينفعش تعيشي من غير حلم.
التنازلات اوبشن متاح بنسبالك بس فى حدود ضيقه جدا ومع ناس القريبن منك جدا واللي بيتنازلوا عشانك اتفقنا؟ يعنى غير كده مفيش تنازلات.
خليكي طول الوقت احلمى بحاجه كده زى القمر الناس تحب تشوفه بس مش اى حد منهم اللي يقدر يوصله, لازم تعب.
مفيش حاجه اسمها انك تثبتي على شكل معين؟
انتي تعودي نفسك انك تكوني مجموعة ستات فى بعض اللي هما مفترض انهم موجودين جواكي فعلا, خديها من منطق انك متجددة بتهتمي ودي سهلة عليكي وعلى فكرة هتعمل معاكي بهجة غير عادية لانك كل فترة هتكشفى في نفسك حاجات جديدة.
مش احنا قولنا ان مفيش حاجه اسمها انك تثبتي على شكل؟
يبقى تصدقي كل ست فيكي, وتديها حقها, الطموحه, المتكلمه, الفنانه, المعلمة, الهانم, بنت البلد, كل شخصية من دول ليها طاقة خاصه بيها وهتمنع عنك اى اكتئاب او مرض
اقبلي نفسك على وضعها, اقبليها فى لحظات الضعف بالعيوب اللى عندك, الاخطاء اللى بتقعي فيها, لو مفيش اخطاء هتكسبي خبرتك منين؟ يعنى كوني دايما فى حالة رضا عن نفسك, وزنك طولك مناخيرك القورة بتاعتك, ربنا خلقك جميلة مترفضيش الجمال ده بالعكس حاولي دايما انك تكوني حبه ده, عارفه بعد حالة الرضا دى, كل الناس هتشوفك كده زى ما انتي شايفه نفسك.
متكمليش فى وضع انتي مش مرتاحه فيه؟ ومتضعيش وقتك مع ناس بياخدوا من طاقتك عشان تفهميهم او تشرحيلهم او تبرري ليهم اى حاجه. العمر قصير بجد وانتي وراك حاجات كتير مفترض انك تعمليها.
حبي صح!! ودي تعرفيها ازاى؟ لما تلاقي نفسك بتتحبي صح!! ودي برضه تعرفيها ازاى؟ لما تلاقي اللي انت عايزها او اللي نفسك فيه هو اللي بيحصل معاكي.
بلاش تخلي الميك اب “المكياج” صديق حميم جدا منك, بكل تأكيد انتي احلى من غيره, خليه فى المواقف المناسبات اللي المفروض يكون موجود فيها, الموضوع ده هيزود الثقه جواكي جدا وهتحبي تشوفي نفسك.
فكرى كده ايه اللي انت متقدريش تعمليه؟ فكرتي؟ مفيش تخلي؟ فعلا تقدري تعملى كل حاجه ده فى حاجات الراجل ميقدرش يعملها انتي بتعمليها زى ايه؟ ابسط حاجه الخلفه.
واخيرا ما تفكريش فى اللي فات لانه خلاص فات, ومتخافيش من اللى جاي لانه مش حقيقي عشان هو مجاش, يبقى تركزى على دلوقتي وبس دلوقتي وبس كل ما تملكيه واللى تقدري تغيرى هو دلوقتي انتى وان شاء الله بكره بتاعك