ام سيمي ترى كاميرا للتلفزيون قرب دوار نهر ابوعلي: – كتب صهيب ايوب
تصرخ للمذيعة:
ها… انتي يا ام الشعر المنكوش.. تعي بدي احكي ع الكيميرو…
المذيعة: ومعنا سيدة طرابلسية تريد توجيه كلمة.
تسال الصحافية:
حجة خبرينا شو عم بسير بباب التبانة وجبل محسين؟
ام سيمي: ولوهي يا مومو .. ما عم يخلونا نام.. يعني مبارح كسمن بالليه ضلينا قوعدين ع اعصوبنا. كان عندي خسيل وهلكانة ايه… خفت اطلوع السطح. نحنا مننشور ع السطوح. يمكن انتو ببيروت ما عندكن سطوحا متلنا… نحنا المناشر مشتركة يعني يومين الي و3 ايام لام خولد بياعة الغوز. قوعدة بالتالت. مرا آدمية عوقلة وبتصلي.
تقاطعها المذيعة: كيف يعني تانت ما نمتو، بشو حسيتي انتي وولادييك؟
ام سيمي تعلق بينها وبين نفسها: ليك ليك… شو حسيتي قال… يلعن ابو يلي وظفك… وخرستني الكلبة. ولوهي مني ساكتتلا.
تجيب بانزعاج:
انو شو بدي كون حسيت… عملت اصفهوني وتربعات وشكلات النبريش بتمي يعني… قعدنا مصلوبين بهالغروف عم نسمع القذاييف متل ام رعيدة… وبناتي مانامو…. واسعاف نومتا تقيلة ايه والله فاقت.
يعني اذا اسعاف فاقت… يعني لازم تعرفي انو كانت علقو معتبرو …
المذيعة: كان صوات عالية تانت.. بتخويف؟
ام سميي بينها وبين عقلها الباطني: شبا عم تجلوء حنكا… تفه ع هيك بنات…
تجيب:
شو بدي قلك هيدول العلوية ما خلونا ننام… ضرب طول الوقت قذايف من تاعون حزب الله. حزب الله عاطيون….عاطيون كتير اسلحو ايرونية اسمكستين وروجمات ودبابات كبيرة.
تقاطعها المذيعة: يعني باب التبانة ما عندون سلاح؟
ام سميي: كيف لكن عندون.. الوحدة كذابة اذا بتقلك ما عندون.. بس يا حرام قطع صغيرة .. ايه صغيرة… انا ابني عندو وحدة بتضلا مخروبة وبضل يزيت فيا… ابني بقوتل هونيك… ع الريفا بروح بقوتل..
المذيعة بحماسة: ابنك موقاتيل؟؟…
ام سميي: ايه مقوتال… شبك خفتي يا تقبريني.. بدنا ندافع عن شرفنا لكن منخلي النصيرية يخدو مدينتنا… لاء ابدن فشروا…. انا وحدة بكره الطوئفية والمسهبية بس بدي قولا علنن: عيب ولوهي عيب… … دم رفيق الحريري ا حيروح… بس بحب الميقوتي كمان… بيعطينا ايعوشة.
تقاطعها المذيعة:
اذا كما ترون مشاهدينا هذه صرخة سيدة طرابلسية….
وتصرخ ام سيمي بوجهها…. ليه شلتي الما كرفون من وشي… ما بدك ياني احكي… ايه انتو لنصرالله.. بتكوني للاوتيفين… عورفتيك انتي… عونية…
وتنادي لشاب من الشارع: يا خولييد… هيدي لازاعة عون..زكذابين قولونا للام تي فين…
تعو شوفو تعو شوفو….
وتخيلو المشهد كيف رح تتكسر الكاميرا
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development