صباح ليلى بقلم الشاعرة:ليلي فوده
عصفور زقزق على شباكي
ناداني فجريه
قالي ياحلوه صحصحي عيونك
لك مني أغنيه
زقزق ونادى الورد
ليعطر الدنيا
والفل والياسمين
ليصبحوا عليا
جمع الحمام واليمام
عشان يغنوا معاه
هدل الحمام وقال
أنا عليا الدور
أغني غنوتي قبل القمر مايدور
وينام بين النجوم أنا أصلي به مسحور
وتنور الشمس تلف بنورها كل الدور
تضحك يمامة تقول
ليه انتو ناسيّني
أنا هاغنيلكوا واصحى حمام البني
الصبح دا ليّ نوره زهزه وصحاني
وزقزق العصفور من قلبه ناداني
قلت له جايه أغني للأحباب
وحبكم خادني نسيت أرد الباب
هاغني غنوتي واعود ليماماتي
خايفه عليهم من طير جارح آتِ
والام خلقتها للصغار بتضم
وتلم شمل العش وللصقور بتهش
غنى الحمام واليمام ورددالعصفور
صحاني من غفوتي بكلام جميل منثور
احلى صباح زقزقه
عطر ورود وزهور
صباحكوا زي الفل
والورد عليكوا يدور
بسمتكوا أحلى شمس
تنور الدنيا
وتصحصح العصفور
ليغني أغنيه
وَيَا الحمام واليمام
والفل والياسمين
احلى صباح ليكوا
أحبابي ياغاليين
