نقطة من اول السطر

بقلم :وسام شداد مستشار اسري وتربوي ولايف كوتش

كلنا بنتولد تانك التقدير الذاتي عندنا مليان ودا اللي بيخلينا علي طبيعتنا وعفويتنا وبنتعامل بتلقائية وبفطرتنا السليمه،ولكن اللي بيحصل وبيسحب من تانك التقدير الذاتي؛ اننا بنفضل نستقبل توجيه ونقد وحب مشروط ورسائل سلبيه من البيئة المحيطه بتجبرنا نتحط في قوالب علشان نتقبل من المجتمع ونبقي مش علي طبيعتنا لإرضاء وكسب تقدير الآخرين ونكبر لابسين ماسكات في مننا اللي بيلبس ماسك المثاليه وفي اللي بيلبس مسك اللطف المبالغ فيهوفي اللي بيلبس ماسك الضحية وغيرها كتير … … …وكل دا لاننا وصلتلنا رسائل كتير جدا بتقولولنا مش من حقك تكون متلطع علشان الناس هيقولوا عليك أناني وطماع ومش راضي ،مش من حقك تحب نفسك وتظهر نقاط قوتك علشان الناس هتشوفك مغرور ومتكبر ، فأصبحنا بنتصنع التواضع والرضا وبنظهر بصوره مش حقيقة علشان ربطنا قيمتنا بمتغير وهو راي الناس وما نملك لكن لو رجعنا لفطرتنا السليمه وعرفنا اننا كلنا نمتلك قيمه ممكن نكون اكتشفناها وممكن نكون لسه في رحلة البحث عنها ،ولكن لو آمنت أن قيمتي ثابته من يوم ولادتي حتي مماتي لأنها داخليه وهي من صنع الخالق هنكسر المعتقدات المؤذية اللي بتخلينا نصارع الدنيا والناس ونعيش اسري لرأي وتقبل الآخرمن ندوة 7/2/2024 بمكتبة حلوان