المقالات
حلم تحت الانقاض بقلم الشاعر علي الدشناوي
ليه تسرق منينا حلم الوطن الغالي
غنيت علي عودي عزفت علي أوتاري
أغاني اللحن الحزين علي بلادي
واه يا ولادي
يا طفل في حضن أمه يبكي
يا بنت يا عروسه اوعاكي تشكي
يا شفايف تقرا وعيون تحكي
يا فلاح في بطن ارض عطشانة يرمي
بزره حنان ما لاقيه ميه ترتوي
يا عامل علي التنور نار الشقي تشوي
يا قلب يا حزنان سرقوا أحلامك
انك تقول الله واكبر في مسجدك
انك تمجد وتقدس في كنيستك
قوليلنا هتودينا علي فين يا سفينة مرسي
نفسنا في شط أمان عليه ترسي
أخوان وأحزاب وشعب منسي
يا ظلم فوق رأسنا سلطان علي كرسي
يا قلوب يا عقول ظالمه حسي
يا دنيا حرام كفاية علينا تقسي
يا وطن قسموك بالمتر والسنتي
يا مصري يا اللي شربت من ميه النيل
ما فيش للظلم تاني بديل
غير انك تبدأ بنفسك وتنور الطريق
تنور قلبك وتشعل ضيك وتقيدها شموع
المهم انك تشوف ف وسط الضلمه نور
تعرف طريقك تسلك سبيلك
ويكون دليلك إيمانك بالله
تعلي صوتك كلمه تطلع من جوفك
تصحي فيك الأمل تزيل خوفك
وسلطان الظلم يعرف انك يا مصري إنسان
ليك عزه نفس وكرامه وكيان
Best Development Company in Lebanon
iPublish Development offers top-notch web development, social media marketing, and Instagram management services to grow your brand.
Explore iPublish Development