وجع عيد بقلم الشاعر جلال فيتروني

جايي العيد
مكسور وقلبو شريد
منو حامل معو
الا الصرخات بلا مواعيد
ما لقى حدا يستقبلو
الكل مشغول بالهم
وهيدا قال وهيداك قيل
بدي أعرف ليش
سكتت الأفراح والمواويل
ليش غدر الشر
استفحل فينا وعذبنا
على المدى الطويل
وجعنا صار عالمي
ما سلم منو الآدمي
والخاين لما صارتلو الفرصة
صارع الخير واستبسل بمداومي
شو بدنا نقول للعيد
لما بيحضر بنفس جديد
كيف بدو يطلع من قلوبنا
النقط السودا ويزرع
بكل ثانية أمل سديد
مين بدو يملي القلوب
صارت ناشفة وفاضية
أو يكتب حرف النجاح
على دفاتر أيامنا الباينة
سفرا الموت ما عم تتركنا
لازمت اماكنا وشوف
يا وطن على هالنهاية