الجماعه الخونه

بقلم :فيفي سعيد

اللي بيتمسحموا في الدين
اللي ماسكين سبح في ايديهم
وقال ايه عاملين روحهم فقهاء في الدين
اللي بيستقطبوا الشباب الجهله الغلابه ويفهموهم انهم عايشين في البلد مضحوك عليهم
FiFi Saeed
لا وايه كمان يقولك عاوزين جيش اسلامي
الجيش المصري دا جيش انقلابي
شال مرسي
من الرياسه يا عيني ياحرام وهم مايعرفوش ان مرسي خاين وجبان
والعيال الجهله مايعرفوش ان مرسي مش تمام
ميعرفوش ان اخوتهم اللي في الجيش قتلوهم
بكلمة من مرسي الخاين الجبان
ياولادي ياحبايب قلبي
اللي بيخدم في الجيش المصري ده اخوك وابن عمك وبن خالك وبن خالتك وجارك كمان
نصيحه يابني
الجماعه دي خونه رمت الشباب احياء من فوق المنازل ومفيش في قلوبهم ذرة رحمه
موتت وقتلت احلى شباب في الملاعب
وعلى الحدود لسه بتقتل في ولادنا ولسه بتخرب الدنيا
اوعوا تصدقوا الجماعه الخونه
ربنا كرمنا لما ولى علينا من يخاف الله ويرحمنا
من جماعه قذرة كانت هاتهدم بيوتنا وتشتتنا وتشردنا في كل بلد حبه
خدوا بالكم دي جماعه كفره وظلمه علشان شوية فلوس جيلهم من بره
بيخربوا وبيبعوا وطنهم وبيقتلوا جنود بلادهم
انا مش ناسيه لما قتلوا جنودنا الأبطال اولادنا وهم صائمون والتمر لسه منزلش حلقهم
قتلوهم بيد الغدر الظلمه الكفره اللي معندهمش تقوى ولارحمه
الحمد لله مكروا ومكر الله غلب مكرهم
وولى علينا من يخافه وقواه على تخطي المحنه بسلام
مرحبا بك ياعالي المقام
عبد الفتاح السيسي
عارفه أنك فاهم وواعي لكل خطوه بتخطيها
بتعمر وبتبني وبتهتم بصحة الغلابه والقوافل الطبية اكبر علامه
بتهتم بكل حاجه يعني مش هانموت من العطش ولا الجوع وربك كريم ومعاك في كل خطوه بتخطيها
عاوزه بس ابلغ رساله
مازالت الجماعه شغاله
بتستقطب الشباب الغلابه وبتبث السم في عقولهم
وبتغريهم وبتقولهم يد الله مع الجماعه
الجماعه هاتجوزك وهاتجبلك سكن وفلوس
وهاتعملك كل حاجه
بس انت نفذ تعاليم الجماعه
ولو قتلك جنود مصر يبقى انت نولت الشهاده
المشكله ان فيهم شباب محتاجين محو اميه
فيهم اللي مايعرفش حروف الهجاء
ولايعرف اركان الإسلام ايه هيه
والرؤوس الكبيره بتحركهم من خلف الستار
والضحيه دايما اطفال وشباب صغار