ذكريات الزمن الجميل إعداد :حنان مصطفي

رجل فى الستينات من العمر يوقف سيارته الأوبل ذات الموديل القديم أمام السوبر ماركت و يترجل إلى السوبر ماركت الشهير

حتغيب يابيه هكذا يوجه منادى السيارات كلامه
لا أن شاء الله بسرعة
يدخل الرجل إلى السوبر ماركت ويحمل السبت المعدنى ويبدأ فى انتقاء الطلبات
يذهب إلى قسم اللحوم
ممكن كيلو فلنو
ثم يذهب إلى قسم الأسماك
ممكن كيلو سبيط متنضف
حاضر يافندم
حضرتك كل أسبوع بتاخد سبيط اكيد بتحبه قوى
لا الوالدة هى اللى بتحبه
ربنا يخليها لحضرتك
حضرتك جارنا هنا
فى شارع الصفا
ايوة مش ده المتفرع من أدمون فرمون
ايوة
ماتشرفناش باسم حضرتك
حسين أسمى حسين

يقوم حسين بدفع حساب المشتريات
ويخرج ويعطى المنادى عشرة جنيهات كاملة
يجرى المنادى ليقوم بمسح زجاج السيارة فقد حصل على 10 جنيهات كاملة

اتفضل ياباشا اتفضل
رقتنى يعنى من بيه لباشا مرة واحدة
آمال ياباشا هو فيه حد بيدينى 10 جنيه بحالها
يعنى البشوية ب 10 جنيه بس
شكرا كفاية كده السلام عليكم

ويتوجه الرجل إلى شارع الصفا المتفرع من شارع أدمون فرمون ويتوقف أمام فيلا ذات حديقة شاسعة تبلغ 15000 متر لا تتناسب مع حجم الفيلا الصغير

صباح الخير ياعم خميس
صباح الخير يافندم
الله ينور الجنينة حلوة قوى ياعم خميس
ربنا يراضى حضرتك زى ما بتراضينى بس فيه حاجة
قول ياعم خميس
نفسى اقلم الشجر ده خلى الجنينة تبان
لا ياعم خميس خليه كبير كده خليه مدارينا

يدخل إلى المطبخ حيث يجد عم فؤاد الطباخ الذى يعمل فى هذه الفيلا منذ 30 عاما منذ أن كان سنة 15 عاما عندما كان يأتى مع والده الطباخ منذ 1954

خد يا طارق الحجات دى
مش قلت لجلالتك انا أجيب الطلبات
أولا انا مش قولتلك ماتقوليش جلالاتك دى تأنى وبعدين عايز أتمشى شوية
ماما صحيت
ايوة وعملتلها قهوة الصبح

سيدة ترتدى بنطلون من الكتان وفوقه بلوفر وعليه ترتدى روب أنيق من الحرير
صباح الخير
صباح الخير ياحسين

ينحني حسين وهو فى الستينات ليقبل يد والدته البالغة من العمر 90 عاما
شايف حضرتك مطلعة ألبومات الصور و بتتفرجى على الصور

بتفرج على عمرى ياحسين
صور من أول يوم اتولدت فيه فى أسكندرية سنة 1921
لحد دلوقتى 91 سنة عمر كبير

ربنا يبارك فى عمر جلالاتك سمو البرنسيس
ياولد ياخلبوص بحب كلامك زى كلام ولدك الله يرحمه
رغم أنه كان وزير حربية لكنه كان لطيف ودمه خفيف وعلى طول بيضحكنى

الفيلا دى شهدت الأيام الصعبة اللى عشناها سوى لحد ماتوفى

كان اقتراح حضرتك انكم تعيشو هنا
انا بحب أسكندرية قوى
المنتزه ورأس التين شهدت أيام حلوة انا واخواتى ووالدى ووالدتى
عشان كده قررنا نعيش هنا انا ووالدك بعيد عن الناس
عارف سموحة دى فى الخمسينات مكانش فيها 10 أفراد على بعض

مكانش ناس كتيرة بتزورنا فيها الخير نيفين على طول كانت بتزورنا
نيفين عباس حليم هى ووالدها ناس عظيمة
طبعا مش أحفاد محمد على باشا
عارف عباس حليم ده كان أسمه نسر أسكندرية كان دنجوان فى شبابه وطيار وكمان بنت خالك برده كانت بتزورنا كتير

وهكذا تمضي الأيام حتى يأتى عام 2013 و بينما الأحداث تمر سريعا فى مصر

أيه هى الوالدة مصحتش ولا ايه
لا حضرتك واحنا مرضناش نزعجها لحد ما تطلب قهوتها
لكن هى كده أتاخرت قوى
انا حطلع أشوفها

ماما ماما
وهنا تنخفض ضربات قلب حسين
البرنسيس قد فارقت الحياة عن عمر 92عاما

كما ولدت بهدوء و عاشت بهدوء ماتت بهدوء
ماتت شمس الاسكندرية دون أن يدرى بها أحد

ماتت فوزية فؤاد أسماعيل إبراهيم محمد على باشا
ماتت الأميرة فوزية أخت الملك فاروق و عمة أحمد فؤاد آخر ملوك مصر وزوجة شاه أيران وزوجة أسماعيل شرين آخر وزير حربية فى العصر الملكى

عاشت هو وابنها فى سموحة سيدة عادية دون تكلف 60 عاما دون أن يعرف أن هذه السيدة هى أميرة مصر و ملكة إيران فى يوم من الأيام

ماتت حفيدة محمد على باشا حفيدة أبراهيم باشا حفيدة الخديوى إسماعيل بنت الملك فؤاد

ماتت أجمل نساء الكون
ماتت شمس الاسكندرية دون أن يعلم شعب الإسكندرية دون موسيقات عسكرية أو تشريفه

أنا لله وانا اليه راجعون

ولدت فى الاسكندرية 1921 وماتت فى الاسكندرية 2012

تزوج آخر شاه لايران وكان زوجها الأول ولها منه بنت شهناز محمد رضا بهلوى

تطلقت منه وتزوجت آخر وزير حربية فى عصر أخيها الملك فاروق الأول ملك مصر والسودان ولها منه ولد وبنت
الولد هو بطل حدوتتنا حسين أسماعيل شرين والبنت هى نادية أسماعيل شرين

لها ٣ حفيدات فوزية من بنتها شهناز و حفيدتان فوزية رشيد من بنتها نادية أسماعيل شرين والثالثة أيضا من بنتها نادية أسماعيل شرين من زوجها الفنان يوسف شعبان أسمها سينا يوسف شعبان

هى بنت آخر من حمل لقب سلطان مصر وأول من حمل لقب ملك مصر و بعد مولده بسنة أستقلت مصر
فقدت تاجين تاج أيران وتاج مصر

توفى حسين أسماعيل شرين ٢٠١٤ حزنا على امه ولم يرضى ببيع الفيلا