فرانكوفون \ بقلم :الدكتورة رشا حسن

كل اللي في مدرسة راهبات هيفهم الكلام دا كويس و هيحس بفخر

احنا اتربينا مسلمين و مسيحيين تحت سقف واحد
اتربينا نقول ميرسي حتى لو الحاجة مش عجبانا
اتربينا نلم تبرعات للقرى الفقيره و الأيتام و المساكين
اتربينا نتكلم بثقه و مانعليش صوتنا
اتربينا نقف راسنا لفوق و صوتنا يهز المدرسه و احنا بنحيي العلم
اتربينا أن النظافه مش بس شكل في كمان نضافه أخلاق و لسان
اتربينا نقول للسواق و الدادا و المشرفه حضرتك و نحترمهم
اتربينا ننضف الحوش اللي بنلعب فيه
اتربينا نقعد بطريقه معينه
اتربينا نمشي رافعين كعبنا من على الأرض و فاردين ضهرنا
اتربينا ناكل من غير صوت و لا نتكلم وقت الاكل
اتربينا نبتدي يومنا بدعاء
اتربينا نلتزم بمواعيد المدرسه
اتربينا على الاتيكيت… الحب… السلام
اتربينا من راهبات سابوا ملذات الحياه و افنوا حياتهم في تربية أجيال
اتربينا زي ما اي اب و ام محترمين بيربوا أولادهم… فأتربينا مرتين مره من البيت و مره من المدرسه و كمان مدرسين غيروا فينا للاحسن
اتربينا على اللغه الفرنسيه التي ستظل اللغه الرسمية التي تجسد الحب
احنا بنقول en français:
‏”au revoir ” مش “bye” يعني لحد ماشوفك تاني..
و بنقول “tu me manques” مش “I miss you” يعني بالعربي انت ناقصني
Parce que le français restera pour toujours la langue officielle qui incarne l’amour
… très fière d’être francophone